Biblioteka e Botës

Montaigne u mbyll në kullën e tij për të shkruar mbi gjithçka: miqësinë, vdekjen, kanibalët, gishtat e tij. Kështu lindi eseja, dhe një mënyrë e re për ta parë veten.

Shënimet që një perandor shkroi vetëm për vete, në mes të luftërave. Një libër i qetë mbi detyrën, durimin dhe të pranuarit e asaj që nuk varet nga ne.

Për të shkruar, thotë Woolf, një grua ka nevojë për para dhe për një dhomë me çelës. Një ese e zgjuar dhe e lirë që nuk është plakur asnjë ditë.

Një mëngjes Jozef K. arrestohet pa ditur pse. Romani i një gjyqi që nuk mbaron kurrë, dhe i një bote ku pushteti është kudo e askund.

Gregor Samsa zgjohet një mëngjes i shndërruar në një insekt të frikshëm. Novela më e famshme e Kafkës, në një përkthim të ri, të thatë e të saktë si origjinali.

Gjashtë zëra rriten, dashurojnë dhe plaken ndërsa deti ndryshon dritë. Romani më poetik i Woolf, i ndërtuar si një këngë për kohën.

Katër net në Peterburg, një ëndërrimtar dhe një vajzë që pret dikë tjetër. Historia më e butë e Dostojevskit, për vetminë dhe për lumturinë e një çasti.

Rrëfimi i një njeriu të mbyllur, që debaton me arsyen, me përparimin dhe me vetveten. Hyrja në prozën e madhe të Dostojevskit.

Një takim në Jaltë që nuk do të duhej të ndryshonte asgjë. Tregimet e pjekurisë së Çehovit, ku jeta ndodh në heshtjet midis fjalëve.

Dhjetë letra për vetminë, durimin dhe punën e shkrimit, që një poet i madh ia shkroi një të panjohuri. Një libër për t’u mbajtur afër.

Një gjykatës i suksesshëm kupton, në fund, se nuk ka jetuar. Novela e Tolstoit mbi vdekjen është, në të vërtetë, një libër mbi jetën.

Në një zyrë në Uoll Strit, një kopist i ri përgjigjet çdo urdhri me të njëjtën fjali të butë: do të preferoja të mos e bëja. Një nga tregimet më enigmatike të shekullit XIX.

Një nëpunës i vogël kursen gjithë jetën për një kapotë të re. Tragjikomedia e Gogolit, nga e cila, thuhet, doli e gjithë proza ruse.

Fragmentet e një ndihmëskontabilisti në Lisbonë, që ëndërron nga dritarja e zyrës. Një ditar pa ngjarje, dhe një nga librat më të thellë të shekullit XX.